October 2000 Issue of street roots

Housin' Prablem

by Jack Tafari


Time dem a rough
an' de time gettin' hard
when Rasta doan get live inna tenement yard
not a tenement yard an' not a government yard
but get live inna de street
out upon de boulevard
Ah'm a tellin' yuh right now is a hell of a ting
when yuh poor an' yuh Rasta fe get some housing


But it doan jus' Rasta
yuh mus' understand
plenty people 'ave a housin' prablem inna Portland


Now Ah bu'n up the sensi
Ah'm a confess
Ah love mi sensimillia, it a pure niceness
Ah wrap it inna Rizla, bu'n it in mi chalwah
den Ah drap pon mi knee
an' give praises to Jah
But seem like de herb
an' freedom of religion
a go mash up yuh chance fe dem 'commodation
Ah'm a tellin' yuh right now is a hell of a ting
when yuh poor an yuh Rasta fe get some housing


But it doan jus' Rasta
yuh mus' understand
Plenty people 'ave a housin' prablem inna Portland


Between dem waitin' list at Housin' Authority
an' a next concern name Central City
dem 'ave nuff poor people
runnin' to an' fram
dem waan sign yuh up
fe dem homeless program
waan come inna yuh life an' invade yuh space
an' put a case manager deh pon yuh case
Ah'm a tellin' yuh right now is a hell of a ting
when yuh poor 'bout yah fe get some housing


No, it doan jus' Rasta
yuh mus' understand
plenty people 'ave a housin' prablem inna Portland